بە پێی هەواڵی کۆمەڵەی مافی مرۆڤی کوردستان؛ سەر لە بەیانی ئەمڕۆ جومعە ۲۸ی رەزبەر پۆلیسی تورکیا لە ئەنقەرە هەڵی کوتاوەتەسەر ماڵی رۆژنامەوانان وژمارەیەکی زۆر لە ڕۆژنامەوانانی ماڵپەڕی «ژن نیوز» و «میزۆپوتامیا» دەست بەسەر دەکەن.
رۆژنامەوانان پاش کۆنتڕۆڵی تەندروستی بۆ ئاسایشی ئەنقەرە دەگواسترێنەوە.
دەست بەسەر کراوان بریتین لە،«سیبەل یوکلەر سەرنووسەری ژن نیوز، دۆیغو ئەرۆل و حەبیبە ئەرەن، ڕۆژنامەنووسانی ژن نیوز، دیرەن یورتسەڤەر و سەلمان گوزەلیوز، ڕۆژنامەوانانی ماڵپەڕی هەواڵی میزۆپوتامیا» و هەروەها ژمارەیەکی دیکە کە ناویان ئاشکرا نەکراوە.
سەرەڕای ئەوە دوێنێ لە ئەنقەرە وئەستەنبۆڵ رێژەیەکی زۆر لە چالاکانی سیاسی دەست بەسەر کراون.
کۆمەڵەی مافی مرۆڤی کوردستان
