دوو کەس لە ئەندامانی بنەماڵهیەکی گۆندی «نێ» سەر بە شاری مەریوان لە ڕۆژههڵاتی کوردستان بە هۆی خنکان لە لافاو ژیانیان لە دەست دا.
بە پێی هەواڵی کۆمەڵهی مافی مرۆڤی کوردستان: ئەمڕۆ یەک شەممە ٢٧ ی ئاداری ٢٠١٦ ماشێنێک لە جۆری ستێیشێن کە هەڵگری ٤ لە ئەندامانی یەک بنەماڵە بووە لە بەندئاوی مەریوان دا قۆم بووە.
بە هۆی بارینی لە ڕادە بە دەری باران لە دوو رۆژی ڕابردو دا بەندئاوی زڕێبار لە قەراخەکانیەوە سەرڕێژی هەبووە . لە ئەم ڕووداوە دا کاتی تێپەر بۆۆنی ماشێنێک لە جوری ستێشێن بە ڕێگای شوسەی قەراخ بەندئاوهكهدا، زۆری ئاو بۆتەی هۆی ئهوهی كه ماشێنەکە کونترۆلی لە دەست بدات و هەر بە ئەو هۆیەوە دایکی بنەمالەیەک و یەکێک لە منداڵەکانی لە ئاو دا بخنکێن.
لە ئەم ڕووداوە دا “ژالە نشکاشی” ٣٠ سالە وێڕای منداڵەکەی “سارۆس غیاسی پوور” ١٠ ساڵانە ، گیانیان لە دەست بدەن ، و بە یارمەتی خەڵکی گۆندی “نێ” باوکی بنەماڵهکە “ئاراس غیاسی پوور” و یەکێک لە منداڵەکانی ڕزگار دهکرێن لە ئەگەری خنکان.
کۆمەلەی مافی مرۆڤی کوردستان
27.03.2016
