ک.م.م.ک :
لە چەند ڕۆژی ڕابردوودا لانیکەم سێ سزای لەسێدارەدان بە تۆمەتی “کوشتنی بە ئەنقەست” لە زیندانەکانی شارەکانی مەلایەر و نەهاوەند جێبەجێ کراوە، ئەمەش لە کاتێکدایە کە دەسەڵاتدارانی فەرمی و دەزگاکانی ڕاگەیاندنی نزیک لە دەسەڵاتی دادوەری ئێران بێدەنگیان هەڵبژاردووە.
بەپێی زانیارییەکان، ئیسماعیل حاجیوەند تەمەن ٤٤ ساڵ، ڕۆژی دووشەممە ٦ی گەلاوێژی ساڵی ٢٧٢٥ی کوردی و فەرزاد یاری ڕۆژی سێشەممە ١٤ی گەلاوێژ لە زیندانی مەلایەر لەسێدارە دراون. هەروەها ڕۆژی سێشەممە ٧ی گەلاوێژ حوکمی لەسێدارەدانی ئاراش مۆحەمەدی، هاووڵاتییەکی تەمەن ٣٦ ساڵ، لە زیندانی نەهاوەند جێبەجێ کرا.
ب.س
