ک.م.م.ک
بەپێ زانییارییەکان،یەکشەممە، ۳۰ی رەزبەری ۲۷۲۳ی کوردی کاتژمێر ۷ی ئێوارە، ئەو ئامێرانەی کە بۆ ماوەی نزیکەی دوو هەفتە بوو بە جەستەی ئارمیتا گراوەندەوە بەستراوبوو، دەرهێنراوە و تەرمەکەی گواسترایەوە بۆ نەخۆشخانە و شەوی ڕابردوو بنەماڵەکەی لە مردنی کچەکەیان ئاگادارکراونەتەوە و داوایان لێکردوون خۆیان بۆ ڕێوڕەسمی بەخاک سپاردنی ئامادە بکەن.
شایانی باسە کە دەزگا ئەمنییەتییەکان سوورن لەسەر ئەوەی کە تەرمی ئەرمیتا لە گوندێکی کرماشان یان پارێزگای لوڕستان بنێژرێت و ئەمەش فەرمانێکی حکووومەتە.
بەڵام دایکی ئارمیتا بە توندی دژی ئەم هەڵوێستەیە و گوتییەتی ئێمە لە تاران دەژین و دەمانەوێت کچەکەمان لە تاران لە بهەشتی زارا یان لانیکەم لە دەوروبەری تاران یان تەنانەت لە وەرامین نێژرابێت.
ع. س
