شنۆ؛ هاووڵاتییەک بە دوو ساڵ زیندانی کردن سزا درا


ک.م.م.ک
بەپێی هەواڵی کۆمەڵەی مافی مرۆڤی کوردستان، لە ماوەی چەند ڕۆژی ڕابردوودا، هاووڵاتییەک بە ناوی سولەیمان(عوسمان) ئەرەس زادە، لەلایان لقی ١٠١ی دادسەرای گشتی و ئینقلابی کۆماری ئیسلامی لە شاری شنۆ بە سەرۆکایەتی قازی ڕەزایی، بە تۆمەتی “پڕۆپاگاندە دژی سیستم، هەوڵدان دژی تەناهی ناوخۆیی، هاوکاری کردن گەڵ پارتە کوردییەکانی دژبەری حکوومەتی ئێران و هەبوونی چەک”  بە ۲ ساڵ  زیندانی کردنی تەعزیری سزا درا.
شایانی باسە کە ناوبراو سێ‌شەممە ٢٧ی بەفرانباری ۲۷۲۲ی کوردی، لەلایەن هێزەکانی ئەمنییەتی و ئیتلاعاتییەکانەوە دەستبەسەر و گوازرابووە بۆ گرتووخانەی حکوومەت لە ورمێ .

جێگای ئاماژەپێکردنە کە ئەم هاوڵاتییە دوای ١٨ ڕۆژ لێپرسینەوە  بۆ بەندیخانەی ئێران لە شنۆ گوازرابووە و دوای ٨ ڕۆژ بە دانانی بارمتە بە شێوەی کاتی ئازاد کرابوو.
ع. س

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *