ک.م.م.ک
ئەمڕۆ یەکشەممە ٧ی ڕەشەمەی ۲۷۲۲ی کوردی، بەهۆی ڕووداوی هاتوچۆ لە سەر جادەی جوانڕۆ – پاوە(شوانکارە) ٦ کۆڵبەر بەسەختی بریندار بوون.
بەپێی زانییارییانەی سەرەتایی کە گەیشتووە بۆ ناوەندی کۆمەڵەی مافی مرۆڤی کوردستان، ئەو ٦ کۆڵبەرە خەڵکی شاری سەلاسی باوەجانی- سەر بە پارێزگای کرماشانن و ناسنامەی ئەو کۆڵبەرانە بەم شێوەی مێرساد دەرویشی، زەکەریا ئەحمەدی، سەلاح ڕەحمانی، ماکوان، وەهاب و زەکەریا محەمەدی.
شایانی باسە کە ناوبراوەکان بۆ چارەسەریی پزیشکی ڕەوانەی ناوەندی دەرمانی کراون و دۆخی تەندروستیی دوو کەسیان نالەبار ڕاگەیەندراوە.
جێگای بیرهێنانەوەیە کە لە ڕێکەوتی ٣٠ی ڕێبەندان لە سەر جادەی شوانکارە، لە ئەنجامی رودانێک بەم شێوەیە، کۆڵبەرێک بە ناوی سامان یەعقووبی کوڕی سالار و خەڵکی گوندی سەرخەبان-ی سەر بە شاری جوانڕۆ، گیانی لەدەست دا بوو و چوار کۆڵبەری دیکەش بەسەختی بریندار ببوون.
ع. س
