ک.م.م.ک:
پێنجشەممە رێکەوتی ١٥ی بەفرانباری ساڵی ٢٧٢٢ی کوردی، هاووڵاتییەکی بە ناوی “ئارام مەڵایی ” خەڵکی گوندی نەنەڵە سەر بە شاری سنە لە بازگەی ڕاگرتن و لێپرسینەوەی سەڵەوات ئاوا لە لایان هێزە ئەمنیەتییەکانی حکوومەتی کۆماری ئیسلامی ئێران دەستبەسەر کرا.
هەروەها دووشەممە ڕێکەوتی ١٢ی بەفرانبار هاووڵاتییەکی تر بە ناوی “هاوڕێ قادری ” تەمەن ٣٢ ساڵ خەڵکی شاری مەریوان، لە نیزیک ماڵی باوکی لە لایان هێزە ئەمنیەتییەکان حکوومەتی کۆماری ئیسلامی ئێران دەستبەسەر کرا.
پێویستە ئاماژە بکرێت کە، ئارام مەڵایی و هاوڕێ قادری بۆ شوێنی نادیار گوازراونەتەوە و تا ئێستا هیچ زانیارییەک لە بارودۆخیان لە بەر دەست دا نییە.
ع. ر
