ک.م.م.ک:
دووشەممە ٢٣ی خەزەڵوەری ٢٧٢٢ی کوردی، دوابەدوای بۆردمانی بارەگاکانی پارتی دێموکراتی کوردستانی ئێران و پارتی کۆمۆنیستی زەحمەتکێشانی کوردستان لەلایەن سپای پاسدارانی ئێرانەوە دوو پێشمەرگە بەناوەکانی ڕێبوار محەممەد ٤٥ ساڵ تەمەن، خەڵکی سەقز و ئادۆ توانا گیانیان لەدەستدا.
بەپێی هەواڵەکە، سەرلەبەیانی ئەوڕۆ سپای پاسدارانی ئێران بە مووشەک و درۆنی خۆتەقێنەوە هێرشی کردەسەر بارەگای حیزبە کوردییە ئوپوزیسیۆنەکانی ئێران لە هەرێمی کوردستان و تا ئێستە دوو گیانبەختکردوو و ٨ بریندار ئاشکرا کراون.
شوێنی جێگیربوونی ئەم حیزبانە لە شارەکانی سلێمانی و کۆیەیە و لە دەسپێکگ ڕاپەڕینگ گشتگیری خەڵک لە ئێران، ئەمە جاری دووهەمە کە دەسەڵاتی ئێران بارەگای ئەم حیزبانەی داوەتە بەر هێرشی مووشەکی.
ق.ش
