ک.م.م.ک.:
لە ماوەی چەند ڕۆژی ڕابردوودا، هاووڵاتییەک بە ناسنامەی “زانیار (ناوی بنەماڵە نادیارە)، تەمەن ٢٣ ساڵ، ترانس و خەڵکی شاری سنە لەلایەن براکەیەوە بریندار کراوە.
بەپێی زانیارییەکان، دوای ئەوەی ناسنامەی ڕەگەزی زانیار لەڕێگەی یەکێک لە هاوڕێکانی براکەیەوە بۆی ئاشکرا بووە، براکەی بە چەقۆ هەوڵی کوشتنی زانیاری داوە و لە دەست و قۆڵ و پشتی بریندار بووە.
ناوبراو بە هاوکاری هاوسەری براکەی و ئەندامێکی دیکەی بنەماڵەکەی ڕەوانەی نەخۆشخانەی شاری سنە کراوە.
شایانی باسە ئەم هاووڵاتییە لەژێر فشاری بنەماڵەکەیدایە بۆ ئەوەی وڵات بەجێبهێڵێت.
ک.ح
