ک.م.م.ک:
بە پێی هەواڵەکان، سێشەممە ١١ی گەلاوێژی ٢٧٢٢ی کوردی، هێزە ئەمنییەکانی ئێران لە شاری سەقز هاوڵاتییەکیان بەناونیشانی عەبدوڵڵا شەریف زادە و لە ئەندامانی کەژەوانی هەڵۆ دەسبەسەر و بۆ شوێنێکی نادیار ڕاگواست.
بە گوێرەی هەواڵەکە، هێزە ئەمنییەکانی ئێران بەبێ نواندنی حوکمی قەزایی عەبدوڵڵا شەریف زادەیان دەسبەسەر و لێیانداوە و ماڵەکەشیان پشکنیوە.
تا کاتی ئامادەکردنی ئەم هەواڵە، هیچ زانیارییەک لەمەڕ هۆکاری دەسبەسەری و جۆری ئەو تۆمەتانەی پەیوەستی ئەم هاوڵاتییە کراون بەدەستەوە نییە.
ق.ش
