ک.م.م.ک:
بەپێی ئەو زانیارییانەی کە کۆمەڵەی مافی مرۆڤی کوردستان بەدەست گەیشتووە، لە چەند ڕۆژی ڕابردوودا لە شاری شنۆ-ی سەر بە پارێزگای ورمێ لە ڕۆژهەڵاتی کوردستان، چوار هاوڵاتی بە هەوڵدان بۆ خۆکوشتن کۆتاییان بە ژیانی خۆیان هێناون.
فەردین ڕەحمانی و ئیسماعیل ڕەسوڵیان و مەتین حەسەنوەند و ئیبراهیم محەمەدی جاشیران ئەو چوار هاوڵاتیەن کە لە چەند ڕۆژی ڕابردوودا کۆتاییان بە ژیانیان هێناون.
لەسەر هۆکاری خۆکوشتنی ئەو چوار هاوڵاتیە زانییارییەک تەواو بەدەست نییە و بەپێی سەرچاوەیەکی باوەڕپێکراو، هەژاری یان بێکاری نابێت هۆکاری خۆکوشتنی ئەو چوار هاوڵاتییە، چونکە تا ڕادەیەک باری گوزەرانیان باش بووە.
ع. س
