هاوڵاتییەکی خەڵکی گوندی”گەوێڵە”ی سەر بە شاری مەریوان بە ناونیشانی”محەممەد خەلیفە ساڵح” ماوەی مانگێکه لە دوکانەکەی خۆی لە لایەن هێزە ئەمنییەکانی حکوومەتی ئێرانەوە دەستبەسەر کراوە و تا ئێستە شوێنی ڕاگیرانی و دۆخی تەندرووستی نادیار ماوەتەوە.
بە گوێرەی زانیارییەکانی کۆمەڵەی مافی مرۆڤی کوردستان، تا کاتی ئامادە کردن و بڵاوبوونەوەی ئەم هەواڵە هۆکاری دەستبەسەری و جۆری تاوانی ئەم هاوڵاتییە ناڕوونە.
شیاوی باسە، دەستبەسەری ئەم هاوڵاتییە لە بێدەنگییەکی تەواوی مێدیایی دایە و ناشزانرێ ئاخۆ تا ئێستە زیندووە یان لە ژێر ئەشکەنجەدا کوشتوویانە، بە پێی ئەزموونی چەندد ساڵەی کۆماری ئیسلامی ئێران لە کوردستان زۆرجار هاوڵاتیانی دەڕفێنێ و دەیان کوژێ و تەرمەکەشیان بێسەروشوێن دەکات.
ق.ش
