KMMK:
شەممە 25 گوڵانی 2721 کوردی، کوڵبەرێک بە ناو زابت ئاڵخانی کوڕی عەزیز و 45 ساڵە خەڵکی گوندی ئەقبەرزە لە لایەن هێزە چەکدارەکانی کۆماری ئیسلامی ئێرانەوە درایە بەر دەسڕێژی گولە و لە ئەنجامدا گیانی لە دەست دا.
لەلایەکی دیکەوە هێزە ئینتزامییەکانی کۆماری ئیسلامی ئێران لەشاری کامێران بە گومانی هەڵگرتنی کەلووپەلی قاچاخ، تەقەیان لە هاوڵاتییەک بەناو فەرهاد فاتێحی کوڕی ئەسغەر و خەڵکی گوندی ئاسنگەرانی سەربە کامێران کرد و لە ئەنجامدا ناوبراو بریندار بوو.
بە پێی هەواڵەکە، کاسبکاری ناوبرا بۆ چارەسەری راگوازرا بۆ نەخۆشخانەیەک لە شاری خوڕماوا و دوای چارەسەری گەڕایەوە بۆ ماڵی خۆی.
شایەنی باسە هێزە چەکدارەکانی کۆماری ئیلامی ئێران بە بێ ئاگاداری پێش وەختە، تەقەیان لەو هاوڵاتییانە کردووە و بوونەتە هۆی کوژارن و بریندار بوونیان.
کۆمەڵەی مافی مرۆڤی کوردستان
