بەپێی هەواڵی گەیشتوو بە کۆمەڵەی مافی مرۆڤی کوردستان،ئەمرۆ تەقینەوەکەی تێرۆریستی لە گرێ سپی رووی داوە و لە ئاکام دا 14 کەس بوونەتە قوربانی.
سەرلەبەیانی ئەمڕۆ لەسەر شەقامی سەرەکی شاری گرێ سپی رۆژئاوا تەقینەوەیەک رویدا، بەگوێرەی دەرەنجامە بەراییەکان چوار کەس ژیانیان لەدەستداوە و ١٠ کەسی تریش بریندار بوون.
بەپێی ئەو زانیارییانەش کە ئاژانسی ھاوار گواستویەتەوە، سەرلەبەیانی ئەمڕۆ کاتژمێر ١٠:٢٠ خولەک، ئۆتۆمبێلێکی بۆمببڕێژکراو لەسەر شەقامی سەرەکی شاری گرێ سپی، بەرامبەر ماڵی گەل تەقیوەتەوە.
ھەمان سەرچاوە وتیشی: بەگوێرەی دەرەنجامە بەراییەکان چوار ژیانیان لەدەستداوە و ١٠ کەسی تریش بریندار بوون.
گرێ سپی دەکەوێتە رۆژھەڵاتی شاری کۆبانێ، پێشتریش ئەو شارە روبەڕووی ھێرش و پەلاماری رژێمی تورکیا بۆتەوە.
کۆەڵەی مافی مرۆڤی کوردستان
