KMMK: دارستانەکانی تەموغە سەر بە شاری سەقەز لە حاڵێکدا ئاگر تێ بەردراوە کە لە رۆژانی رابردودا چەندین کارەساتی لەو جۆرە خوڵقێندراوە لە هەمان شار و شاری درواسێی بانە؛وەک ڵەوەڕگاکانی “تەپۆڵکەی ماڵان” ی سەقز و دارستانەکانی “پیر مراد”ی بانە کە شوێنێکی گەشت و گوزاریە هەر وەها کێوی “دوزین ” ی بانە.
بە تایبەتی لە فەسڵی گەرما رێژەی ئەم ئاگر تێ بەردانە بە ئەنقەستانە زۆر دەبێ و ناوەندە بەرپرسە دەوڵەتیەکان بە پێداگری بەردەوام لە سەر دۆخی هاوین لە بەدوادا چون بۆ دەسنیشان کردنی هۆکار و بکەرانی ئەم روداوانە خۆ دەدزنەوە.
ئەمە لە حاڵێکدایە کە چڕی رێژەی ئەم روداوانە هەمیشە لە کوردستان و دارستان و ڵەوەڕگاکانیا بووە بە تایبەت لە ساڵانی دواییەدا.
بە پێی هەڵسەنگاندن دەگەڵ ناوچەکان ئێران و هەروەها چاو خشاندن بە بە هەوڵێ چالاکانی ژینگە پارێز بۆ کۆنترۆڵی ئەو روداوانە و وشیار کردنەوەی خەلکی ناوچەکان و زانیاریە کۆ کراوەکان لە خەلکی ئەم ناوچانە ؛ئەگەری بە رێکەوت ناوبردنی ئەم ڕوداوانەکە لە لایەن دەزگا دەوڵەتیەکان ڕائەگەیەندرێ پوچەڵ ئەکاتەوە.
کۆمەلەی مافی مرۆڤی کوردستان
