ک.م.م.ک
بە پێی ڕاپۆرتەکان، ڕۆژی پێنجشەممە، ١٢ی ڕێبەندانی ٢٧٢٣ی کوردی، هونەرمەندی سەردەشتی، شۆڕش ئەبووبەکری ناسراو بە شۆڕه سوار، تا کۆتایی کارووباری دادوەری و یاسایی، بە شێوەی کاتی لە دەستبەسەرگەی ئەمنییەتی ڕژێم لە ورمێ، ئازاد کرا .
جێی ئاماژەیه کە ئەم هونەرمەندە ئێوارەی ١٨ی بەفرانباری ئەمساڵ، بە بێ فەرمانی دادگا، دوای هێرشێکی چەکداری هێزەکانی ڕژێم بۆ ماڵی خۆی لە سەردەشت، دەستبەسەر و بۆ ورمێ گواسترایەوە.
پێویستە ئاماژە بەوە بکرێت کە هونەرمەند شۆڕش ئەبووبەکری لە بوارەکانی پێشکەشکاری، گۆرانی‌بێژی و ژەنینی تاردا چالاکە و خاوەنی مۆڵەتی فێرگەی مۆسیقای “ئاوای کورد” بووە، کە ٦ ساڵ لەمەوبەر لەلایەن ڕژێمەوە هەڵوەشاوەتەوە.
خ.ع
