بەپێی زانیارییەکانی کۆمەڵەی مافی مرۆڤی کوردستان: ئیتلاعاتی کۆماری ئیسلامیی ئێران لە شاری سەردەشتی رۆژهەلاتی کوردستان سێ گەنجی بەناوەکانی «ئیدریس مەحمودی، ڕەحمان مەدەنی و جوانرۆ قادری» دەستبەسەر کردوە، تا کاتی بڵاو کردنەوەی ئەم هەواڵە، هۆکاری دەستبەسەر کرانی ئەو گەنجە کوردانە نەزانراوە.
بە پێی زانیاریەکان ئیدریس مەحمودی و ڕەحمان مەدەنی بە دانانی بارمتە ئازادکراون بەڵام چارەنوسی جوانرۆ قادری ھەروا نادیارە.
جێی ئاماژەیە کە ٨ کەسی دیکەش بۆ لێکۆلینەوە بانگهێشتی ئیدارەی ئیتڵاعاتی ئێران لە شاری سەردەشت لە رۆژھەڵاتی کوردستان کراون.
کۆماری ئیسلامیی ئێران بە هۆکارگەلی جیاواز فشار دەخاتە سەر رۆژھەڵاتی کوردستان و بە بیانۆیی جیاواز چالاکانی و گەنجانی کورد رەوانەی گرتوخانە دەکات.
کۆمەڵەی مافی مرۆڤی کوردستان
