پترلە ۲۰٪ی ئێعدامەکانی ئێران، هاوڵاتیان ڕۆژهەڵاتی کوردستانن+ناونیشانی ئێعدام کراوان

دەی ئۆکتۆبەر بەرابەرە لەگەڵ ۱۸ی ڕەزبەر، ڕۆژی جیهانی بەرەنگاربوونەوەی دژبە ئێعدامە. لەڕاستیدا ئێعدام جۆرێک سزا وئەشکەنجە وبەکوتەیەکی دیکە ئەوپەڕی سزا وئەشکەنجەیە بۆ مەحکووم کراو.
ئەم سزایە یەکێک لە بابەتگەلی دیاریکراوی یاسای بنەڕەتی هەندێ  لەوڵاتانە، کەلەودا بەحوکمی یاسا وهەروەها بهپێی حوکمی دادگای شۆڕش، گشتی، جینایی، چەکداری (نظامی) و … ژیان لەمرۆڤێک دەسێنرێتەوە.

حوکمی مردن لەیاساکانی حکوومەتی ئیسلامی ئێران بەپێی دابەشکارییەکی گشتی دوو بەشن: ئەم حوکمانە پێوەندیداری شەرعن وهەروەها ئەوحوکمانەی لەلایەن یاساداڕێژەوە گەڵاڵە دەکرێن.

بەپێی یاسای دابەشکردن، لەماوەی یەک ساڵی ڕابردوو نێزیک بە ۶۰۰ هاوڵاتی لەلایەن حکوومەتی کۆماری ئیسلامی ئێرانەوە لەڕێی سێدارەوە ئێعدام  وقەرەوە (قصاص) کراون کەئەم گیان لێوەرگرتنەوانە مێدیایی کراون.

بەپێی ئەو لێکۆڵینەوانەی لەلایەن کۆمەڵەی مافی مرۆڤی کوردستانەوە جێبەجێکراون، هەندێ جار زیندانیان بە تاوانگەلی لێک جیاواز لەزیندانەکانی ئێران ئێعدام دەکرێن کەئەم ئێعدامانە بەنهێنی دەکرێت ومێدیایی ناکردرێن.

بەپێی ڕاپۆڕت وئامارە بڵاوکراوەکان، لە ۱۰ی ئۆکتۆبەری ۲۰۱۶ تا ۱۰ی ئۆکتۆبەری ۲۰۱۷، ڕێژەی ۵۰۸ کەس لەزیندانەکانی کۆماری ئیسلامی ئێران ئێعدام کراون؛ کەدەکاتە پتر لە ۲۰ لەسەدی زیندانیانی ئێعدام کراو لەهاوڵاتیانی کورد پێک دێن.

یەکەی ئاماری کۆمەڵەی مافی مرۆڤی کوردستان؛ ناونیشان، شوێن وکاتی ۸۹ کەس لەزیندانیانی ئێعدام کراوی کورد بـــڵاو دەکـــاتەوە.

کۆمەڵەی مافی مرۆڤی کوردســـــــتان