بە هۆی پێشێلکاری مافی مرۆڤ، نەتەوە یەکگرتوەکان دژی کۆماری ئیسلامی ئێران بڕیارنامەیەک پەسەند دەکات
بە پێی ڕاپۆرتی کۆمەڵەی مافی مرۆفی کوردستان :
لە کۆبوونەوەی کۆمیتەی سێومی نەتەوە یەکگرتوەکاندا بە زۆرینەی دەنگ ۸۳ دەنگی ئەرێ ، ۳۰ دەنگی نەخیر و ٦۸ دەنگی بێ‌لایەن بڕیارنامەیەک دژی پێشیلکاری مافی مرۆڤ لە ئێراندا لە لایەن ئەو ناوەندەوە دەرکرا .
لە بڕیارنامەکەدا ئاماژە بە بەرفراوان بوونی پێشێلکاری مافی مرۆڤ لە ئێراندا کراوە بۆ نموونە ڕێژەی زۆری لە سێدارەدان ، جیاوازی ڕەگەزی دژی ژنان ، نەتەوەکانی دیکە و کەمینە ئایینەکان و دەسبەسەری خۆسەرانە و بە لێشاو .
لەو کۆبوونەویەدا وڵاتان سەرەڕای ئیدانە کردنی پێشێلکاری مافی مرۆڤ لە ئێراندا ، داواکاری زۆرترکردنی گوشار بوون لە سەرکۆماری ئیسلامی ئێران بە مەبەستی پابەند بوونی کۆماری ئیسلامی ئێران بە جێبەجێ کردنی بڵێنە نێونەتەوەیکانیەوە .
جێگای ئاماژەیە کە ئەم بڕیارنامە لە کۆبوونەوەی گشتی نەتەوەیەکگرتوەکاندا دەخرێت دەنگدانەوە .
کۆمەڵەی مافی مرۆڤی کوردستان
