تەقینەوەی مین لەوەڕگەکانی گوندی «دزئاوەر»ی سوتاند

بەپێی هەواڵی گەیشتوو بەکۆمەڵەی مافی مرۆڤی کوردستان: ڕۆژی ۲۶ی خەرمانانی ساڵی ۱۳۹۶ی هەتاوی تەقینەوەی مین بوبەهۆی ئاگرتێبەردانی گوندی «دزئاوەر»ی سەربە شاری نەوسوود لەڕۆژهەڵاتی کوردستان.

بەگوێرەی هەواڵەکەو بەکوتەی (بەخشدار)ی نەوسوود؛ تەقینەوەی مین بەهۆی فیشەکێکی فوسفوڕییەوە بووە کەدوابەدوای دۆزینەوەی مین لەناوچەکە، هەوا لێی داوە و بۆخۆی ئاگری تێبەربووە وهەربەو هۆیەوە بەشێک لە لەوەڕگەکانی گوندی دزئاوەری سوتاندووە.

ناوبراو لەدرێژەدا کوتوویە؛ ئەو لەوەڕگانەی کەتووشی ئاگرکەوتنەوە هاتوون لە ناوەندی میندان وهەربەو هۆیەوە ئاگر کۆژاندنه‌وه‌ بەهێوری دێتە ئاراوە.

جێگەی باسە، بەپێی ئامارە فەرمییەکانی کۆماری ئیسلامی ئێران لەساڵی ۱۳۹۳، پارێزگای ئیلام بە ڕووبەری یەک ملوێن و ۷۰۰ هەزار هێکتار، کرماشان بەڕووبەری ۶۹۱ هەزار هێکتار، ورمێ بەڕووبەری ۵۹ هەزار هێکتار و سنه‌ بەڕووبەری ۱۵۰۰ هێکتار، بەریز زۆرینەی ئەو شوێنانەن کە مین ڕێژ کراوە.

 

کۆمەڵەی مافی مرۆڤی کوردستان

 

%d bloggers like this: