خۆکوژی شۆفێری ترێلی لەگۆڕەپانی”باوەڕەش”ی مەریوان ،وهەروەها ژنێکی سەردەشتی

بەپێی هەواڵی گەیشتوو بەکۆمەڵەی مافی مرۆڤی کوردستان،پێنجشەممە ۱۱ی جۆزەردانی ۱۳۹۶ی هەتاوی ،گەنجێکی کوردی۲۵ساڵ تەمەن خەڵکی مەریوان بەناوی(ه.م)کەشۆفێری ترێلی هەڵگری مادەی سووتەمەنی بووە، لەڕوداوێکدا کە  لەگۆڕەپانی باوەڕەشی مەریوان بۆی هاتە پێش ولەئەنجامدا ماشێنەکەی هەڵدەدێرێ ،ناوبراو لەنیوەی شەودا لەنێزیک بلواری عەمار لەڕێی خۆهەڵواسینەوە کۆتایی بەژیانی خۆی هێنا.

هەروەها لە شەوی ڕابردوو ژنێکی گەنجی خەڵکی سەردەشت بەناوی(چ.ع) لەشاری میاندوا دەستی دایە خۆکوژی وگیانی لەدەستدا.

بەپێی ئەوئامارانەی لەبەردەستان ،ڕێژەی خۆکوژییەکان لەڕۆژهەڵاتی کوردستان بەبەراورد لەگەڵ جوگرافیای سیاسی ئێران گەلێک زێدەترە وخۆکوژی ژنان لەپلەی یەک بۆسێیە،بەچەشنێکە پارێزگای کرماشان پلەی یەکەم ،پارێزگای ئیلام پلەی دویەم وپارێزگای سنە پلەی سێی هەیە.

دەروون ناسان لەو بڕوایەدان کە هۆکاری ئابووری،کۆمەڵایەتی وکەلتووری کاریگەریان هەیە لەسەر هەڵکشانی خۆکوژییەکان وهەروەها هەرچەند پتر ئاڵوگۆڕ لە بواری ئابووری وژیانەوە پێک بێت هەربەو ڕێژەیە  خۆکوژییەکانیش هەڵدەکشێن.

هەروەها لەهەمبەر خۆکوژی ژنان ئاماژە بەبابەتێکی گرنگ کراوە کە هەربەو ڕێژەیەی کە هۆکاری کەلتووری وسونەت وباوەڕی پیاوسالارانە لەکۆمەڵگا هەڵبکشێت  ،ڕەوتی خۆکوژی ژنانیش زێدەتر دەبێ.

 

کۆمەڵەی مافی مرۆڤی کوردستان

%d bloggers like this: