ک.م.م.ک:
بە پێی ئەو زانیاریانەی بەدەستمان گەیشتوون، نیوەی شەوی پێنجشەممە ٢٧ی خەرمانانی ساڵی ٢٧٢٥ی کوردی، هێزە ئەمنییەکانی ڕێژیمی ئێران هەڵیانکوتایە سەر ماڵی زانا مەنسووری، گەنجێکی تەمەن ٢٣ ساڵانی خەڵکی شاری سنە و بەبێ پێشکەشکردنی فەرمانی دادوەری دەستبەسەرکراوە و بۆ شوێنێکی نادیار گواستراوەتەوە.
بەگوێرەی زانیاریەکان و بە پشتبەستن بە سەرچاوەیەکی ئاگادار، ناوبراو لە چەند ڕۆژی ڕابردوودا چەندین جار لەلایەن هێزی ئیتڵاعاتەوە پەیوەندی پێوەکراوە و بانگهێشت کراوە، بەڵام ئەو کۆڵی نەداوە و نەرۆشتووە.
تا ئێستا هیچ زانیارییەک لەبارەی شوێن و جۆری ئەو تۆمەتانەی کە ئاراستەی کراوە لەبەردەستدا نییە.
شایانی باسە کە زانا مەنسوری پێشتر لە سەردەمی شۆرشی «ژینا» دەستبەسەر کرابوو.
ب.س
