بە پێی ڕاپۆرتێک کە بە کۆمەڵەی مافی مرۆڤی کوردستان گەیشتوە، زانیار و لوقمان مورادی زیندانی کراو خەڵکی شاری مەریوان ، کە لە ساڵی ۱۳٨٨ی هەتاوییەوە لە گرتوخانەکانی مەریوان و سنە نزیک بە دوو ساڵ لە ژێر ئەشکەنجە دا بوون و لە یەکی سەرماوەزی ساڵی ۱۳٨۹ لە لقی ۱٥ی دادگای ئینقلابی ئیسلامی تاران بە بەرپرسایەتی قازی سەڵواتی دادگایی و بە تۆمەتی دژایەتی (محاربە)لە گەڵ خودادا و ئەندامییەتی لە ڕێکخراوێکی سیاسیدا و قەتڵی کوڕی پێش نوێژی هەینی مەریوان ، سزای ئێعدامیان بۆ بڕایەوە، کە ئەم سزایە لە پوشپەڕی ساڵی ۱۳۹۰ لە لایەن دیوانی عالی کۆماری ئیسلامییەوە ئەرێنی کرا .
زانیار مورادی ل وت وێژێکدا لە کەمینی نێو نەتەوەیی مافی مرۆڤدا لە ئێران گوتی :ئەوان قوربانی شانۆی وەزارەتی ئیتلاعاتی کۆماری ئیسلامین لە ڕۆژهەڵاتی کوردستاندا . باوکی ئەم دوو زیندانییە سیاسییە کە چالاکێکی سیاسی و لە ڕێکخراوە دژبەرەکانی کۆماری ئیسلامی ئێرانە ، زانیار هەر لە وت و وێژەدا دەڵێت:هێزەکانی ئیتلاعاتی کۆماری ئیسلامی ئێران بە لە ژێر ئەشکەنجەدانان و گوشار و هەڵخەڵتاندن و بەڵێنی ئازادی خوی لوقمان بە مەرجی ئەوەی دانپێدانانی ساختەیی بکەن و کوشتنی کوڕی پێش نوێژی هەینی مەریوان بخەنە ئەستۆیان وبەم داو نانەوە ، مەبەستیان ترۆر یان لە داو خستن بۆ باوکمیان بوو کە ئێمە نە چوینە ژێر باری ئەو کردوە دزێوە.
زانیار لە درێژەدا دەڵێت :لە گەلاوێژی ساڵی ۱۳۹۳ د بە پارێزەری ساڵەح نیک بەخت ، دۆسییەکە بۆ دادگای کەیفەری هەناردە کرایەوە و دادگای بۆ ساز کرا و قازی چونکە هیچ بەڵگەو شاهیدێکی بۆ ترور یان قەتڵە کەی نەبوو ، گوتی ،:دۆسییەکە ناتەواوە و من بە پێی چ شتێک بڕیار بدەم؟ و لێکوڵەری دۆسییەکەش لە مەریوان بە شێوەی نوسراوەیی نوسیویەتی ، هیچ شتێک بۆ ئەوەی ئەم تۆمەتە پشت ڕاست بکاتەوە لە دەستدا نییە .زانیار لە درێژەدا دەڵێت ، زۆرکەس گەواهی ئەوەمان بۆ ئەدان کە ئێمە بێ تاوانیین و ئەگەر دادگاێیکی ئاشکراو و دادپەروەرانە دابنین بکرێت ئەوانە شاهیدی بێتاوانیان بۆ ئەدەن .
پێویستە وەبیر بێنینەوە کە پێڕاگەیشتنی دۆسییە ، بەپێی یاسای کۆماری ئیسلامی ئێران ڕەوتێکی یاسایی هەیە کە بە پێی ئەم یاسایانە دۆسییەکان پێش سزا دەرکردن دەبێت ، ناساندنی تاوان ئەرێنی کرابێت تا سزای دەربکرێت ، بەڵام لە درێژەی دۆسییەی ئەم زیندانییەدا بە پێچەوانەی یاسای کۆماری ئیسلامی ئێران ، پێش لە وەی تاوانێک ڕوون کرابێتەوە ، ئەم زیندانیانە سزای ئێعدامیان بۆ بڕاوەتەوە کە ئەمە خۆی ژێر پێ نانی یاساکانی کۆماری ئیسلامی ئێرانە و لە گەڵ بڕگەکانی مافی مرۆڤدا یەک ناگرنەوە.
کۆمەڵەی مافی مرۆڤی کوردستان
