ک.م.م.ک:
بەپێی زانیارییەکان، یەکشەممە ٢٨ی ڕێبەندانی ٢٧٢٤ی کوردی، بەکرێگیراوانی ئیتلاعاتی سپای پاسداران لە پیرانشار هەڵیانکوتایە سەرماڵی چالاکێکی سیاسیی بەناونیشانی فەرزین تووت و هێرشیان کردەسەر دایەگەورە و دایکی ناوبراو و وێرای ترس و دڵەڕاوکێ برینداریان کردن.
دەست و پێوەندییەکانی ئیتلاعاتی سپا، شەش ددانی سەعادەت بایزیدی دایکی تەمەن ٤٥ساڵی ئەم چالاکە سیاسییەیان شکاندووە و داویشیانە لە دایەگەورەی کە ناوێ ئەستێ چغر بووە و هەموو کەلووپەلی نێو ماڵیشیان لێ شکاندوون.
شیاوی باسە ئەم چالاکە سیاسییە هەنووکە لە باشووری کوردستان دەژی.
ق.ش
