ک.م.م.ک:
بەپێی زانیارییەکانی ناوەندی هەواڵگریkmmk، خانەنشینکراوانی پێوەندییەکان ئەوڕۆ دووشەممە٣ی بەفرانباری٢٧٢٤ی کوردی، لە کرماشان ڕژانە سەرشەقام بۆ ئەوەی دەنگی ناڕەزایی خۆیان بەرانبەر بە نادادپەروەری و ستەمەکانی ناوەندی جێبەجێکاری خومەینی بە ڕێوەبەری سەید پەرویز فەتاح، ، بونیادی تەعاونی سپای پاسداران بە ڕێوەبەری سەردار ئیمامی و ڕێوەبەری پێوەندییەکان جەعفەرپوور بە گوێی هەرلایەک بگەیەنن.
خۆپیشاندەران بەدەنگی بەرز لە داگیرکردنی ناداوەرانە پێوەندییەکان لەلایەن دامەزراوە گەندەڵەکانەوە دوان و ڕایان گەیاند کە نەک تەنیا ماف و مووچەیان بەتەواوی نادرێت، بەڵکوو مافی ناڕەزایی نیشاندان و گردبوونەوەشیانلێ زەوت کراوە، هەروەها ئەوان ئاماژەیان دا بە ناڕاستگۆیی لە بەڵێنەکان و گرنگینەدان بە ساڵانێک ڕەنجی کرێکاران و خانەنشینکراوان.
ق.ش
