پەیامی کۆمەڵەی مافی مرۆڤی کوردستان بە بۆنەی ساڵرۆژی بەرخۆدان و ئازادی کۆبانی ڵە ئەستۆکهۆلم

بەرێزان و بەشدار بووانی هێژا

 کۆبانی دوێنێ بریندار و تاریک ببوو، بەڵام ئەمرۆ کۆبانی نەتەنیا ڕووناک و سەرکەوتوو بووە،  بەڵکوو  بۆتە  هیوا و ئومێد بۆ گەلانی جیهان و هەموو پارچەکانی کوردستان.

 بەرخۆدانی کۆبانی، بەرخۆدانی یکسانی ژن و پیاو، بەرخۆدانی گەلی ڕۆژئاوا لە گشت کورد و کوردستانیان و مرۆڤ دۆستان پیرۆز بێت، بەرخۆدان وخۆراگری ڕۆژئاوای کوردستان بوو بە رەمزی سەرکەوتن و باوەر بەخۆبوونی گەلانی جیهان .

بەرخۆدانی ژنان و پیاوان، شەرڤانان و گەلی کورد لە ڕۆژئاوا بۆ بە هۆی ژیانەوەی بیرو باوەری یکسانیخوازانی لە جیهان. جارێکی دیکە گەلی کوردستا لە رۆژئاوای وڵات ئیسباتی کرد کە پشت بەستن  بە خۆ و باوەر بە گەلی خۆ دەتوانێ  سەرکەوتنی گەورە بەدست بێنێت.

ئێمە وەک کۆمەلەی ماف مرۆڤی کوردستان داوا لە گشت ریکخراوە کانی جیهان و مرۆف دوست دەکەین کە بۆ دووبارە ئاوەدان کردنەوەی کۆبانی هەوڵ بدەن  و پشتیوان بن. شارومەندانی کۆبانی خەباتێکی بێوێنەیان کرد و ئیستا ئیمە وجیهان دەبێت شاری کۆبانی ئاوەدان و  ئاوەدانتر بکەینەوە.

جارێکی دیکە پیرۆزبایی خۆمان ئاراستەی گەلی خۆشەویستی خۆمان لە رۆژئاوایی کوردستان دەکەین .

کۆمەڵەی مافی مرۆڤی کوردستان