ک.م.م.ک.:
بەپێی ڕاپۆرتی گەیشتوو بە ناوەندی هەواڵی KMMK، ڕۆژی ١٦ی گەڵاڕێزان ساڵی ٢٧٢٣ی کەردی، هاووڵاتییەکی خەڵکی ورمێ بە ناسنامەی “سەیاد دەروێشی”، تەمەن ٢٩ ساڵ، کوڕی “یونس” خەڵکی گوندی بالوو، بەشی ناوەندیی شاری ورمێ، لەلایەن هێزە ئەمنیەتییەکانی ڕێژیمی ئێران و ڕفێدراوەوە گواستراوەتەوە بۆ شوێنێکی نادیار.
به پێی ئەم ڕاپۆرته و زانیاری سەرچاوەیەکی ئاگادار، دوای تێپەڕبوونی 3 ڕۆژ به سەڕ ڕفاندنی ئەم هاووڵاتییه، هیچ هەواڵێک له سەڕ چارەنووسی لەدوای به دواداچوونەکانی بنەماڵەی دەروێشی بێ ئەنجام بووه و نییە و لەلایەن بازنەی زانیاریی شاری ورمێ و ڕێکخراوە پەیوەندیدارەکان ئاگاداریان نەکردوونەتەوە و شوێنی ڕانەگەیەندراوە و تەنانەت ڕایانگەیاندووە کە هیچ هەواڵێک لە ئارادا نییە، لە کاتێکدا ڕفاندنی “سیاد دەروێشی” بۆ بنەماڵە و کۆمەڵگەی مەدەنی کوردستان جێگەی سەرنجە.
پێویستە بگوترێ ئەم هاووڵاتییە سەر بە بنەماڵەی فەرزاد دەروێشی شەهیدی ڕێگای ئازادییە کە ڕۆژی سێشەممە ٢٩ی گەلاوێژی ساڵی ٢٧٢٢ی کوردی بە دوای ناڕەزایەتی بە کوشتنی حکوومەتی ژینا-ئەمینی لە شارۆچکەی وەلیعەسری ورمێ بە تەقەی ڕاستەوخۆی هێزە سەرکوتکەرەکان گیانی بەخت کرد.
پێویستە لەبیرمان بێت کە لەگەڵ دابەزینی بزووتنەوەی ناڕەزایەتیەکانی ئەم دواییە، ڕفاندنی زۆرەملێ و بە ئەنقەستی چالاکانی سیاسی و کەسوکاری کوژراوەکان و هاووڵاتییان لە کوردستان و ڕەتکردنەوەی هیچ هەواڵێک لەلایەن هێزە ئەمنییەکانەوە زیاتر بووە و لە چەند مانگی ڕابردوودا، ئەم کارە چەندین جار دووبارە بووەتەوە.
پێویستە بگوترێ تا ساتەوەختی ئامادەکاری و بڵاوکردنەوەی ئەم هەواڵە، هیچ زانیارییەکی ورد لەبارەی هۆکاری دەستبەسەرکردن و تۆمەتەکانی بەرامبەری ناوبراو لەبەردەست نییە.
ک.ح
