ک.م.م.ک:
بەپێی زانیارییەکان، ڕێکەوتی ٢٦ی خەرمانانی ٢٧٢٣ی کوردی، هێزەکانی ئیدارەی ئیتلاعاتی ڕێژیمی ئێران لە شاری قوروە هەڵیانکوتایە سەر ماڵی هاوڵاتییەکی بەهایی بەناونیشانی زارعی و ئەندامێکی ٢٦ساڵی ئەو بنەماڵەیان بەناوی نەبیل زارعی دەستبەسەر و هاوکات دەستیان دایە پشکنینی ماڵەکەیان و موبایلی هەموو ئەندامان و لۆپ تۆپەکەشیان لەگەڵ خۆیان برد.
بەگوێرەی هەواڵەکە، نەبیل زارعی و برایەکی خاوەنی سێ ئێکاونتی ئینستاگرامی کە پتر لە سێ ملوێن فاڵۆێرن و سەرچاوەی داهاتی ئەم دوو گەنجە بێبەری لە خوێندن کراوی بەهاییە تەنیا تۆڕە کۆمەڵایەتییەکان بووە کە سەبارەت بە بوارەکانی گەشتیاری، موزیک و ئەنیمەیشێنە و بەپێی هەڵسەنگاندنەکان بایەخی ئەم لاپەڕە مەجازییانە پتر لە یەک میلیارد تمەنە.
دەکوترێ کە پاش دەستبەسەریان هەر سێ لاپەڕەی ئینستاگرامیەکەیان لە دەستپێڕاگەیشتنی خۆیان لابران و پەسۆڕدەکەیشی لەبەر دەستی هێزە ئیتلاعاتییەکانە.
شیاوی باسە کە ئەم هاوڵاتییە کوردە بەهاییە پاش دوو حەوتوو مانەوە لە ژووری تاکەکەسی بەدانانی بارمتە بەشێوەی کاتی ئازاد کرا.
ق.ش
