ک.م.م.ک:
سێشەممە ڕێکەوتی ١١ی ڕەزبەری ساڵی ٢٧٢٣ی کوردی، هاووڵاتییەکی تەمەن ٤٣ ساڵ بە ناوی کیانوش چراغی خەڵکی شاری دێهلۆران، دیسانەوە لەلایەن هێزە ئەمنییەکانی حکوومەتی ئێرانەوە لە ماڵی تایبەتی خۆی دەستبەسەر و بۆ شوێنێکی نادیار گوازرایەوە.
پێویستە بگوترێ، هێزە ئەمنییەکان بەبێ نواندنی بڕیاری دادگا هەڵیانکوتایە سەر ماڵی ئەم هاووڵاتییە و بە پەنابردن بۆ توندوتیژی دەستبەسەریان کرد.
پێویستە ئاماژە بەوە بکرێت کە چوارشەممەی پێشوو ٥ی ڕەزبەری-ش لەلایەن هێزە ئەمنییەکانەوە دەستبەسەرکرابوو و دوای چەند ڕۆژێک ئازاد کراوە.
تا ساتی بڵاوبوونەوەی ئەم هەواڵە هیچ زانیارییەکی ورد لەسەر شوێنی بەندکران و چارەنووسی ناوبراو لەبەردەستدا نییە.
ع – ر
