ک.م.م.ک:
ڕۆژی چوارشەممە ٢٥ی گەلاوێژی ساڵی ٢٧٢٣ی کوردی، حوکمی لەسێدارەدانی هاووڵاتییەکی تەمەن ٣٣ ساڵ بە ناوی “ئیبراهیم مولۆدپوور” خەڵکی شاری بوکان لە زیندانی حکوومەتی ئێران لە شاری دێزفول جێبەجێ کرا.
پێویستە ئاماژە بەوە بکرێت کە ئەم هاووڵاتییە بە تۆمەتی پەیوەندیدار بە تاوانی ماددە هۆشبەرەکان لەلایەن دەسەڵاتی قەزایی حکوومەتی ئێرانەوە حوکمی لەسێدارەدانی بەسەردا سەپا بوو.
شیاوی باسە تا ساتی بڵاوبوونەوەی ئەم هەواڵە لەسێدارەدانی ئەم هاووڵاتییە لەلایەن دەسەڵاتی فەرمی و میدیا ناوخۆییەکانی ئێرانەوە ڕانەگەیەندراوە.
ع – ر
