سنە؛ دوو چالاکی کرێکاری بە ٣٢مانگ زیندان مەحکووم کران

ک.م.م.ک:

بەپێی زانیارییەکان، چوارشەممە ٢٨ی گوڵانی ٢٧٢٣ی کوردی، دادگای ئینقلابی حکوومەتی ئێران لە سنە دوو چالاکی کرێکاری بەناوەکانی ئێقباڵ پیشکاری و عەبدوڵا خەیرئابادی بەتۆمەتی ئەندامەتی لە حیزبێکی ئوپوزسیۆنی ئێران سەرجەم بە ٣٢مانگ زیندان مەحکووم کرد.

بەگوێرەی هەواڵەکە، دانیشتنی دادگایی ئەم دوو چالاکە کرێکارییە لە ٢٥ی پووشپەڕ بەڕێوەچووە و عەبدوڵا خەیرئابادی بە ٢٠ مانگ زیندان و بۆ ماوەی ٢٠ مانگ بەشێوەی هەڵواسراوی لێهاتووە.

هەروەها ئێقباڵ پیشکاری ـش بەساڵێک زیندانی مەحکووم و بۆ ماەەی دوو ساڵ هەڵواسراوە.

شیاوی باسە، ئەم دوو چالاکە کرێکارییە لە ٢٧ی گوڵانی ئەمساڵەوە بەبێ نواندنی حوکمی قەزایی لەلایەن هێزە ئەمنییەکانی ئێرانەوە دەستبەسەر کرابوون.

ق.ش

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *