ک.م.م.ک:
ڕۆژی چوارشەممە ٢٧ی گوڵانی ساڵی٢٧٢٣ی کوردی، دوو زیندانی بە ناوەکانی “بەرزۆ چەقازەردی” تەمەن ٤٥ ساڵ و خێزاندار خەڵکی ماهی دەشت کرماشان و “سەعید نەجەفی” تەمەن ٢٨ ساڵ خەڵکی ناوچەی سەحەنە سەر بە کرماشان لە لایەن سیستەمی قەزایی حکوومەتی ئێرانەوە بە تۆمەتی کوشتنی بە ئەنقەست لە سێدارە دران.
بە پێی ئەو هەواڵانە، لەسێدارەدانی بەرزۆ چەقازەردی و سەعید نەجەفی لە زیندانی دیزلە ئاوای حکوومەتی ئێران لە شاری کرماشان و لە بێدەنگی تەواوەتی میدیاکانی حکوومەتی ئێراندا ڕووی داوە. دوای جێبەجێکردنی ئەو حوکمە، دامودەزگا حکومییەکانی ئێران لە ڕێگەی پەیوەندییەکی تەلەفۆنییەوە بنەماڵەکانیان ئاگادار کردوونەتەوە.
ع – ر
