ک.م.م.ک:
بەپێی هەواڵەکان، یەکشەممە ٢٣ی ڕێبەندانی ٢٧٢٢ی کوردی، زیندانی سیاسیی خەدیجە مارسیا مەهدی پوور خەڵکی شاری ئیوانی غەرب پاش ساڵێک و شەش مانگ مانەوە لە زیندان بەبێ ئاگادارکردنەوەی پێشوەختە لە زیندانی ناوەندی حکوومەتی ئێران لە ئیلام ئازاد کرا.
بەگوێرەی هەواڵەکە، مارسیا مەهدی پوور بەبێ داواکردنی لێبوردن و بەخشین لە زیندان ئازاد کراوە.
شیاوی باسە، ئەم زیندانییە سیاسییە نێزیک بە ٢ ساڵ بەرێ بەبۆنەی چالاکی سیاسیی لەلایەن هێزە ئەمنییەکانی ئێرانەوە دەستبەسەر و پاش لێپرسینەوە بۆ زیندان ڕاگوازرابوو.
شیاوی باسە، لەماوەی ڕۆژانی ڕابردوو چالاکی مەدەنی و مامۆستای زمانی کوردی، زارا محەممەدی خەڵکی سنەیش بەبێ ئاگادارکردنەوە و داواکاری لێبووردن، لە زیندان ئازاد کرا.
ق.ش
