ک.م.م.ک:
چوارشەممە٥ی ڕێبەندانی ٢٧٢٢ی کوردی، هاوڵاتییەک بەناونیشانی گەلاوێژ ئەحمەدی چالاکی مەدەنی و بەڕێوەبەری ئاتلێری ئەژین لەلایەن لقی٢ی لێکۆڵینەوەی دادستێنی گشتی و ئینقلاب لە شاری سنە تۆمەتبارکرا.
بەپێی گەواڵەکان؛ ناوبراو لەلایەن داواکاری گشتی و ئینقلاب لەشاری سنە بەسەرۆکایەتی دادوەر فاریابی بە هەوڵدان دژی ئاسایش و بڵاوکردنەوەی درۆودەلەسە، پێوەندی لەگەڵ مێدیای نەیاران تۆمەتبار کرا.
شیاوی باسە؛ هێزە ئەمنییەکانی حکوومەتی ئێران یەکشەممە١ی ڕێبەندانی ئەمساڵ بۆ جاری دووهەم هێرشیان کردەسەر ئاتلێری ئەژین و لەکاتی پشکنیندا خەساری زۆریان بە شوێنەکە گەیاند و موبایل و کۆمپیۆتەر، هارد و ئەو دیسکانەی لە ئاتلیەکە هەبوون دەستیان بەسەردا گرت.
ق.ش
