ک.م.م.ک:
بەپێی هەواڵی کۆمەڵەی مافی مرۆڤی کوردستان، ڕۆژی چوارشەممە ٢٨ی بەفرانباری ٢٧٢٢ی کوردی، چوار هاوڵاتی دیکە بەناوەکانی: وەفا ڕەسووڵی ئازەر، موبین حسەین زادە، فەخرەدین ئومیدفەڕ و قادر ئومیدفەڕ لەلایەن هێزە ئەمنییەکانی ئێرانەوە لە پیرانشار دەستبەسەر کراون.
بەگوێرەی هەواڵەکە، فەخرەدین ئومیدفەڕ و قادر ئومیدفەڕ بران و ئەم چواهاوڵاتییە بە بێ نواندنی حوکمی قەزایی لەلایەن هێزە ئەمنییەکانی ئێرانەوە دەستبەسەر و بۆ شوێنی نادیار ڕاگوازراون.
شیاوی باسە کە ڕۆژی چوارشەممە ٦هاوڵاتی دیکە کە پێشتر ناونیشانیان لەلایەن کۆمەڵەی مافی مرۆڤی کوردستانە بڵاوکرایەوە ئاشکرا کرا و سەرجەم دەکەس لەو شارە دەستبەسەر کراون.
ق.ش
