دوو هاوڵاتی لە گوندێکی سەربە ژاوەرۆ دەستبەسەر کران

ک.م.م.ک:

بەپێی هەواڵی کۆمەڵەی مافی مرۆڤی کوردستان، سێشەممە ٨ی سەرماوەزی ٢٧٢٢ی کوردی، دوو هاوڵاتی بەناوەکانی نەهیم ئەحمەدی و حامید ڕۆستەمی خەڵکی گوندی هۆیە سەربە شاری سنە لەلایەن هێزە ئەمنییەکانی کۆماری ئیسلامییەوە دەستبەسەر و بۆ شوێنێکی نادیار ڕاگوازران.

بە گوێرەی هەواڵەکە، هێزە سەرکوتگەرەکانی کۆماری ئیسلامی کتژمێر ۲:٣٠ شەو هێرشیان کردۆتە گوندی هۆیە و هەڵیان کوتاوەتە سەرماڵی ئەم دوو هاوڵاتییە و دەستبەسەریان کردوون.

جێی سەرنجە کە کۆمەڵەی مافی مرۆڤی کوردستان پێشتر هەواڵی دەستبەسەرکرانی نەهیم ئەحمەدی بڵاو کردبوویەوە.

تا کاتی ئامادەکردنی ئەم هەواڵە هیچ زانیارییەک لە چارەنووس و شوێنی ڕاگیرانی ئەم دوو هاوڵاتییە ئاشکرا نەکراوە.

ق.ش

Leave a Reply

%d bloggers like this: