ک.م.م.ک:
ڕۆژی شەممە ٢٦ی ڕەزبەری ٢٧٢٢ی کوردی، هاووڵاتییەکی تەمەن ٣٥ ساڵ بەناوی “بەهمەن شوانی” خەڵکی شاری شــنۆ، خێزاندارە و دوو منداڵی هەیە، لەلایەن دوو ماتۆڕسوارەوە تەقەی لێکرا و گیانی لەدەست دا.
بەپێی ڕاپۆرتی سەرچاوەیەکی باوەڕپێکراو بۆ کۆمەڵەی مافی مرۆڤی کوردستان: کاتژمێر ٧:٣٠ سەرلەبەیانی ڕۆژی سێشەممە، دوو کەس کە لە ناو شاری شــنۆ بە ماتۆڕسکیلێتەوە بوون، ڕاستەوخۆ تەقەیان لە ئۆتۆمبێلی پراید کە بەهمەن شوانی لێخوڕیوە کردووە بووە بە هۆی کوژرانی .
پێویستە ئاماژە بەوە بکرێت کە فیشەکەکە بەر دڵی ئەم هاوڵاتیە کەوتووە بۆتە هۆی گیانلەدەستدانی.
شایانی باسە بەهمەن شوانی خاوەنی بڕوانامەی دکتۆرایە لە بواری دەروونناسیدا.
ک.ح