ک.م.م.ک:
دووشەممە ٢١ی خەرمانانی ٢٧٢٢ی کوردی، هاوڵاتییەک بەناونیشانی ئیسکەندەر بیسپار ٣٥ساڵ تەمەن، کوڕی فەتاح و خەڵکی شیناوێ کە لە گەڕەکەکانی دەورووبەری پیرانشارە بە کوتان و توندوتیژی لە لایەن هێزەکانی ئیدارەی ئیتلاعاتی ئێرانەوە لەو شارە دەستبەسەر کرا.
بەپێی زانیارییەکان لەسەرچاوەیەکی متمانەپێکراوی خۆجێی؛ هێزە ئیتلاعاتییەکانی ئێران سەرلەبەیانی دووشەممە هەڵیان کوتایە سەر ماڵی ناوبراو و سەرەڕای شکاندنی درگاو پەنجەرەی ماڵەکەیان دەستیان دایە پشکنینی ناوماڵ و ترس و دڵەڕاوکێیان خستە نێو بنەماڵەکەیان و ئیسکەندەریشیان بە کوتەک و لێدانەوە لەگەڵ خۆیان برد.
بەپێی هەواڵەکە، هێزە ئیتلاعاتییەکانی ئێران بەبێ نواندن و هەبوونی حوکمی قەزایی ناوبراویان دەستبەسەر و بۆ شوێنێکی نادیار ڕاگواستووە.
شیاوی باسە کە، تا کاتی ئامادەکردنی ئەم هەواڵە، هۆکاری دەستبەسەری ئەم هاوڵاتییە نەزانراوە.
ق.ش
