ک.م.م.ک:
دووشەممە 16ی ڕەشەممەی 2721ی کوردی، ئۆتۆمبێلێکی هەڵگری کۆڵبەران لە نێزیک گوندی قەڵاگا وەرگەڕاوە و شەش کۆڵبەری خەڵکی شارەکانی سەلاس باوەجانی و جوانرۆ بریندار بوون.
بەپێی ڕاپۆرتێکی دیکەی کۆمەلەی مافی مرۆڤی کوردستان، پێنج کۆڵبەری خەڵکی شاری سەلاسی باوەجانی بەهۆی پێکدادانی پرایدێک لەگەڵ خاوەرێک لەجادەی جوانرۆ- پاوە، بریندار و شۆفێری پرایدەکەش گیانی لەدەستداوە
جێی وەبیرهێنانەوەیە کە شەوی چوارشەمە 11ی ڕەشەممە، بەهۆی پێکدادانی دوو ئۆتۆمۆبیل لەجادەی جوانرۆ- پاوە، 7 کۆڵبەر بریندار ببوون.
تا کاتی نووسینی ئەم هەواڵە لەمەڕ باروودۆخی ئەو 18 کۆڵبەره بریندارە هیچ زانیارییەک لەبەردەست دا نییە.
کوشتن و بریندار کردنی کۆڵبەران تاوانێکی گەورەی دژی مرۆڤە کە لە لایەن حکوومەتی ئێران ڕۆژانە ڕوو دەدات و بۆتە بە دیاردە و ساڵانە بە سەتان هاوڵاتیی کورد دەبنە قوربانی.
ع. س
