گوڵاڵە مورادی مانی لەخواردن گرت

ک.م.م.ک:
دوشەممە ٢٦ ڕێبەندانی٢٧٢١ی کوردی، گوڵاڵە مورادی خەڵکی پیرانشار بۆ دەربڕینی ناڕەزایی بەرامبەر بە دۆخی نادیار و نەبوونی ڕێکاری دادوەریی بەرامبەر بە دۆسیەی دەستبەسەرکردنی لەبەندیخانەی ژنانی ئێران لە ورمێی ڕوژھەڵاتی کوردستان، مانی لە خواردن گرت.
گوڵاڵە مورادی لە ڕۆژی شەممە، ٢٨ی خەزەڵوەری٢٧٢١ی کوردیەوە لەگرتوخانە دەستبەسەرە و لە ماوەی دەستبەسەرکردنیدا ئیزنی ھەبۆنی پارێزەری لێ زەوت کراوە.

هێزە ئەمنییەکان ئەو هاوڵاتییان بە “هاوکاری لەگەڵ یەکێک لە حیزبە کوردستانیەکانی دژبەری ئێران تۆمەتبار کردووە” .
جێی بیرهێنانەوەیە، ڕۆژی شەممە ٢٧ی خەزەڵوەر٢٧٢١ کوردی، هێزەکانی ئیتلاعاتی ئێران، گۆڵاڵە مورادی و دوو کوڕی ناوبراویان بە ناوەکانی مەتین و تاهیر بەزازیان دەستبەسەرکرد و بە مەبەستی لێپرسینەوە بۆ بنکەی هەواڵگریی(ئیتلاعات) سوپای پاسدارانی ئێران لە ورمێ ڕۆژھەڵاتی کوردستان گواستەوە.
دوای تەواوبوونی لێپرسینەوە لە ئیتلاعات، دوو کورەکەی گوڵاڵە مورادی ئازاد کران.

ش.م

Leave a Reply

%d bloggers like this: