KMMK:
سێشەممە ٣٠ی سەرماوەزی ٢٧٢١ی کوردی، ئەفشین حسەین پەناهی کوڕی محەممەد حسەین، خەڵکی قڕووچیای سەر بە ناوچەی لەیلاخ بۆ ئیدارەی ئیتلاعاتی ئێران لە سنە بانگهێشت و لێپرسینەوەی لەسەر جێبەجێ کرا.
بە پێی ئەو هەواڵانەی بە کۆمەڵەی ماڤی مرۆڤی کوردستان گەیشتوون، ئەم چالاکە مەدەنییە لە ڕێی پێوەندی تلەفوونییەوە بۆ ئیدارەی ئیتلاعاتی ئێران لە سنە بانگهێشت و سەبارەت بەشداری لە ڕێوڕەسمی پرسەی حەیدەر قوربانی، زیندانی سیاسی خەڵکی کامێران کە ڕۆژی یەکشەممە ٢٨ی سەرماوەز لە زیندانی ئێران لە سنە ئێعدام کرابوو، چەندد کاتژمێرێک لێپرسینەوەی لێکراو و بە شێوەی کاتی ئازاد کراوە.
ق.ش
