مامۆستای زمانی کوردی چرۆ ئەحمەدی لە شاری دیواندەرە دەستبەسەرکرا

KMMK :

بەپێی ڕاپۆرتەکانی کۆمەڵەی مافی مرۆڤی کوردستان، ڕۆژی دووشەممە 25ی گەلاوێژی2721ی کوردی، چرۆ(ژاله ئەحمەدی) مامۆستاێ زمانی کوردی و ئەندامی دەستەی بەڕێوەبەری ناوەندی کۆمەڵایەتی و کلتووری زاگرۆس لە دیواندەرە لەلایەن هێزە ئەمنییەکانی ئێرانەوە دەستبەسەرکرا و گواسترایەوە بۆ شوێنێکی نادیار.

جێگای ئاماژیە، هێزە ئەمنییەتییەکان چرو ئەحمەدیان لە ماڵکەی دەستبەسەر کردووەو هاوکات هەنێ کەرەستەی تایبەتی ناوبراو وەک؛ کتێبەکان، لەپ تۆپ و هەموو ئامێری موبایلی دانیشتوانی ماڵەکەیان دەستبەسەردا گرتووەو لەگەڵ خۆیان بردوون.

چرۆ ئەحمەدی، خاونی بڕوانامەی موهەندسی کیمیایەو خوێندکاری رۆژنامەنووسی لە زانکۆی پەیام نووری سنەیە.

جێی ئاماژەیە کە تا ساتی ئامادەکردنی ئەم هەواڵە هیچ زانیارییەک لەبارەی هۆکاری دەسبەسەرکردنی ئەو مامۆستایە زمانی کوردیەوە لەبەردەستدا نییە.

ع. س

Leave a Reply

%d bloggers like this: