گواستنەوەی هاوڵاتییەکی سنە ی بۆ گرتووخانەیەکی ئەمنییەتی حکوومەتی ئێران

KMMK:

پێنجشەممە 3ی پووشپەڕی 2721ی کوردی، هاوڵاتییەکی خەڵکی دەڕەئەسپی سەر بە شاری دیواندەرە بە ناوی “دلێر شامحەممەدی” لە لایەن هێزە ئەمنییەکانی کۆماری ئیسلامی ئێرانەوە لەو شارە دەستبەسەر و بۆ گرتووخانەیەکی ئەمنییەتی لە شاری سنە گوازرایەوە.

بە گوێرەی هەواڵەکە، هێزە ئەمنییەکانی حکوومەتی ئێران بە بێ ئەوەی جۆری تاوانەکەی بۆ ڕوون بکەنەوە، دڵیر شامحەممەدی ـیان دەستبەسەر کردووە و بە مەبەستی لێپرسینەوە بۆ گرتووخانەیەکی ئەمنییەتی حکوومەت لە شاری سنە ڕایان گواستوە.
سەرەڕای بەدواداچوونی بنەماڵەکەی تا دەمی ئامادە کردنی ئەم هەواڵە، هیچ زانیارییەک لەمەڕ چارەنووس و ئەو تاوانانەی نراونەتە پاڵی ئاشــکرا نەکراوە.

شیاوی باسە کە، دلێر شامحەممەدی پێشتریش بە تۆمەتی “هاریکاری حیزبێکی کوردستانی دژبەری حکومەتی ئێران” لێپرسینەوەی لێ کراوە.

ق.ش

Leave a Reply

%d bloggers like this: