بەپێی راپۆرتێک کە بە کۆمەڵەی مافی مرۆڤی کوردستان گەیشتوە سەر لە بەیانی رۆژی ۲۶ی پوشپەڕ لە نزیک بازاری دووپەزە لەسەر سنووری قەلادزێ، هیزەکانی ئینتزامی کۆماری ئیسلامی دەست دەگرن بەسەرکەل و پەلی کاسبکارانی کوردا کە دەبێتە هۆی ناڕەزایەتی خەڵک و کاسبکاران
لەڕاپۆرتەکەدا هاتوە، کاتێک خاوەنی بارەکان و کۆمەڵێک لە خەڵک بۆ وەرگرتنەوەی کەلوپەلەکانیان بەرەو پاسگاکە ڕۆیشتن درانە بەر تەقەی هەوایی و دەیان ویست بەوشێوەیە بڵاوە بە خەڵک بکەن، بەلام خەڵک هێرش دەکەنە سەر پاسگا و تێکهەڵچون لەناوبەر خەڵک و رێداری حکومەتدا چێ دەبێت
لەڕاپۆرتەکەدا هاتوە، کە خەڵک هێرش دەکەنە سەر هیزە ئەمنیەتیەکان و کەلوپەلی کاسبکاران و کۆڵبەران وەردەگرنەوەو ماشێنێکیش ئاگر تێبەردەدەن. پێویستە وە بیری بێنینەوە کە ئێوارەی ڕۆژی ٧ی پوشپەڕ، بە تەقەی ڕاستەوخۆی فەرماندەی پاسگا ی ئینتزامی گوندی گوێزڵە بەرەو ڕوی دوو برا بەناوەکانی لەتیف و ڕەئوف عەلیخانی دەبێتە هۆی گیان لەدەست دانی یەک لە وان و بە دوای ئەدا سەربازانی ئامادە لەوێدا دەست دەکەن بەتەقە، کە گیان لەدەست دانی براکەی تری لێ کەوتەوە. کە ناڕەزایەتی خەڵکی لێکەوتەوە
کۆمەڵەی مافی مرۆڤی کوردستان
