KMMK
چوار شەممە یەکی ڕەشەمە، مامۆستایانی قوتابخانەکانی شاری ســنە بۆپشتیوانی لە مامۆستای زیندانی کراو موختار ئەسەدی دەستیان لە کار کێشایەوە ومانیان گرت.
پێنج شەممەی حەوتووی ڕابردوو ، موختار ئەسەدی مامۆستا و لە ئەندامانی ئەنجوومەنی پیشەیی مامۆستایانی پارێزگای ســنە لەلایەن ڕایەدارانی ئیدارەی ئیتلاعات لە شاری سنە دەستبەسەر کـــرا.
بەپشتبەستن بە ئەو ڕاپۆڕتانەی پێمان گەیشـــتوون، دەستبەسەری و زیندانی کردنی چالاکانی مافی مرۆیی و مەدەنی لەلایەن سازمانی ئیتلاعاتی سوپای پاسداران و وەزارەتی ئیتلاعاتەوە لە ڕۆژانی ڕابردوو لە شارەکانی ڕۆژهەڵاتی کوردستان ڕووی لە زیاد بوون کردووە.
کۆمەڵەی مافی مرۆڤی کوردستان،پێشتووتر لەهەمبەر شەپۆلی بەرینی دەستبەسەریەکان، ڕاگرتنی دەستبەسەرکراوان لە ژووری تاکه کەسی و ئەشکەنجە کردنیان دەستی دابوویە بڵاوکردنەوەی ڕاگەیەندراو.
کۆمەڵەی مافی مرۆڤی کوردستان
