KMMK
ڕۆژی شەممە ۲۰ی ڕێبەندانی ۱۳۹۷ی هەتاوی مێرمنداڵێکی خەڵکی شاری سەردەشت لە ڕۆژهەڵاتی کوردستان بەناوی دانیال شێخەپوور دەستی دایە خۆکوژی وکۆتایی بە ژیانی خۆی هێنا.
بەگوێرەی هەواڵەکە ناوبراو بەهۆی هەژاری و نەداری دەستی داوەتە خۆکوژی.
شیاوی باسە کۆماری ئیسلامی لەسەرەتای هاتنە سەر کاریەوە تا ئێستە سیاسەتێکی جیاوازی بۆ ڕۆژهەڵاتی کوردستان هەبووە و لە کاتێکیشدا کە کێشەی ئابووری و بێکاری وەکوو ئەمڕۆ نەبوو و گەمارۆی نێودەوڵەتیشی لەسەر نەبوو دۆخی ژیانی خەڵکی کورد هەر وەکوو ئێستە بوو، تا ئاستێکە گەنجانی کورد ناچار دەبوون ڕوو لە شارەکانی ناوەند بکەن و زۆربەی کوردان لە شارەکانی دیکە گیرساونەتەوە و ئەویش تەنیا کاری خاوێن کردنەوە و کرێکاری یان ڕوو لە کورەخانەکان یان کۆڵبەری، هەربۆیە لەم دۆخە نەگونجاوەدا گوشارەکان زۆرتر بووە و خەڵک بەناچار و لەبەر بێ دەرەتانی پەلاماری گیانی خۆیان دەدەن.
بەپێی ناوەندی ئاماری کۆمەڵەی مافی مرۆڤی کوردستان لە سەرەتای ساڵی ۲۰۱۹ وە تا ئێستە دوو ژن و سێ پیاو ک کچێکی خوار ۱۸ساڵ و ئەم مێرمنداڵەیش کە سەرجەم دەبن بە ۷ کەس لەڕێی خۆکوژییەوە کۆتایان بە ژیانی خۆیان هێناوە.
کۆمەڵەی مافی مرۆڤی کوردستان
