KMMK:
ڕۆژی پێج شەمە ۱٨ی ڕێبەندان ۹۷ی هەتاوی ئیبراهیم ئەفزەلی دانیشتوی گوندی بەرقروی ناوچەی کەڵاتەرزانی سنە لە هەورزا و کەند ولەندەکانی گەردەنەی تەتە هەڵدەدێرێ و سەرو شان و پیلی دەشکێی و هەناردەی نەخۆشخانە دەکرێت .
لە لاێیکی ترەوە لە ڕۆژی ۱۹ی ڕێبەندان پاسگای هەنگەژاڵ سەربەشارستانی بانە هێرش دەکاتە سەرکۆڵبەران و لە ئاکامدا کۆڵبەرێک بە ناوی مێهدی فاروق زادە لە بەشی پێیەوە بریندار دەکرێت .
هەروەها لە ناوچەی ئالانی سەردەشت سنوورپارێزانی کۆماری ئیسلامی هەڵدەکوتنەسەر کۆڵبەران و کۆڵبەرێک بەناوی سامان بەخشی ۳٥ ساڵ تەمەن بەتوندی بریندار دەکرێت و دەگوترێت پشت و لاقی وەبەر کەوتوە.
ئەگەر کۆڵبەری و پاروێک نان بوە بایی خوێنی مرۆڤەکان تەنیا دەبێت بپرسین ئاخۆ حکومەتی کۆماری ئیسلامی چ بەرپرسیاریەێکی لە بەرانبەر خەڵک و بژیو و ئەمنیەت و داهاتوی گەنجان و بنەماڵەکانیانی هەیە لە چلەمین ساڵی دەسەڵاتداری خۆێیدا .
کۆمەڵەی مافی مرۆڤی کوردستان
@kmmkkurdistan
