KMMK: عیرفان حوسەینی مودیری جێ بەجێ کار ئەنجومەنی سەوزی چیا مەریوان ، ئاماژەی بە فڕێدان و کۆکردنەوەی ناتەندروستیانەی زبڵ و زاڵ لە شاری مەریوان کرد و کوتی زیاتر لە دوو ساڵە کە شوێنی رشتنی زبڵی مەریوان بۆتە کارەساتێکی گەورە لەم شارە.
پێشتر و بتر لە پانزە ساڵ بوو کە ئەم زبڵانە لە گوندی عەسراوێ لە پێنج کیلۆمەتری باکوری ڕۆژهەڵاتی ئەم شارە کۆدەکرانەوە کە خەڵکی گوندەکە بە هۆی ڕشتنی زبڵ لە شوێنی حەوانەوە و ژیانیان چندین جار نارەزایەتیان دەربڕی و سکاڵایان لە لای کاربەدەستانی شار و پارێزگا تۆمار کرد .
هەروها وتی کە خەڵکی مەریوان بە هۆیی بڵاو بونەوەی نەخۆشی کە هۆکاری ئەم زبڵ و زاڵەیە لە شوێنی ژیانی ئەوان، توشی چەندە ها نەخۆشی سیەکان و دڵ و هتد بون کە تەنانەت منداڵەکانیش بە ناتەواوی (کەم ئەندامی ) لە داییک دەبن.
عیرفان حوسێنی لە درێژەی وتەکانی دا وتی: بە پێ سەر هەڵدانی ئەم جۆرە نەخۆشیانە چەند کات لەمەو بەر وا بڕیار بو کە کارگاێکی ریسایکلین بۆ ئەم زبڵ و زاڵە دروست بکرێت کە هەر جارە و کاربەدەستانی شارەوانی و پارێزگر پەیمانیان بە خەڵک دەدا بەڵام تاکوو ئێستا هیچ شتێک لەم بارەیەوە نەکراوە.
کۆمەڵەی مافی مرۆڤی کوردستان
