بە پێی زانیاریەکانی کۆمەڵەی مافی مرۆڤی کوردستان، هێزەکانی پۆلیسی تورکیا هەڵیانکوتایە سەر ماڵی هاوڵاتیان لە شاری وان-ی باکوری کوردستان و ١٥ هاوڵاتیان دەستگیرکرد، کە ئەندامی پارتی دیموکراتی گەلان و پارتی هەرێمە دیموکراتییەکانن.
بەپێی هەواڵی ناوەندی رۆژنیوز، ئەمڕۆ ۹ی سەرماوەزی ۲۷۱۷ کوردی بەرامبەر بە ۹ ئازەری ۱۳۹۶ هەتاوی ، پۆلیسی تورکیا ئۆپەراسیۆنێکی دژی هاوڵاتیان ئەنجامدا و هەڵیانکوتایە سەر ٢٠ ماڵ لە شارۆچکەکانی ئارموش و ئارتەمێتانی سەربە وان و ١٥ هاوڵاتیان دەستگیرکردوە.
دەستگیرکراوان گوازراونەتەوە بۆ بەڕێوەبەرایەتیی ئاسایشی وان ، تا ئامەدەکردنی ئەم هەواڵە ڕوون نەبووەتەوە کە بە چی هۆکارێک دەستگیرکراون.
کۆمەڵەی مافی مرۆڤی کوردستان
