KMMK:
دووشەممە 31ی جۆزەدانی 2721ی کوردی گەنجێکی بیست ساڵ تەمەن بە ناونیشانی عەزیز محەممەد زادە لە لایەن هێزە چەکدارەکانی تورکیاوە تەقەی لێکرا و کوژرا.
عەزیز محەممەد زادە کوڕی عەلی، نیشتەجێی “قزڵ ئەرخ” سەر بە ماکۆ لە ڕۆژهەڵاتی کوردستانە.
ناوبراو لە کاتی کۆڵبەری لە لایەن چەکدارانی حکوومەتی تورکیاوە کراوەتە ئامانجی ڕاستەوخۆ و گیانی لە دەست داوە.
بە پێی ئەو هەواڵەی بە کۆمەڵەی مافی مرۆڤی کوردستانگەیشتووە، تەرمی بێ گیانی ئەم کۆڵبەرە هەنووکە لە شاری وان لە باکووری کوردستان ڕاگیراوە ڕادەستی بنەماڵەکەی نەکراوە.
ق.ش
